Tortures

ՀՀ Կենտրոն և Նորք Մարաշ վարչական շրջանների ընդհանուր իրավասության դատարանում քննվող`  Խդր Մամոյի Բրոյանի  վերաբերյալ ՀՀ քր. օր. 266 հոդվածի 3-րդ մասի 2-րդ կետով, 266 հոդվածի 4-րդ մասով, 268 հոդվածի 3-րդ մասով, 268 հոդվածի 2-րդ մասի 1-ին և 2-րդ կետերով, 165 հոդվածի 4-րդ մասով Սամվել և Մանվել Մարտիկի Ասատրյանների վերաբերյալ ՀՀ քր. օր. 266 հոդվածի 3-րդ մասի 2-րդ կետով, 266 հոդվածի 4-րդ մասով և 268 հոդվածի  3-րդ մասով,   քրեական գործի դատական քննության  ընթացքում ամբաստանյալներ` Խդր Բրոյանը, Մանվել և Սամվել Ասատրյանները  ցուցմունքներ են  տվել, որ քրեական գործի նախաքննության ընթացքում իրենց նկատմամբ  խորթ մեթոդներ են կիրառվել, ենթարկվել են խոշտանգումների, ծեծի և բռնության: Սպառնալիքի ազդեցության տակ տվել են  իրականությանը չհամապատասխանող  ցուցմունքներ:

Արմեն Մարտիրոսյանը մեղադրվում է Կարեն Կարապետյանի և Պետրոս Հակոբյանի հետ 2009թ կատարած մի շարք ավազակային հարձակումների մեջ: Արմեն Մարտիրոսյանին ձերբակալել են 2010 հունվարի 19ին: Նրան մեղադրանք է առաջադրվել ՀՀ քր. օր-ի 175 հոդվածի 3-րդ մասի 1-ին և 2-րդ կետերի, 235 հոդվածի 3-րդ մաս և 236 հոդվածի 3-րդ մասով, այն բանի համար, որ նա ավազակություններ կատարելու դիտավորությամբ 2009թ. նոյեմբերին իր հորաքրոջ որդի, Երևան քաղաքի բնակիչ Կարեն Կարապետյանի առաջարկով ներգրավվել է կազմակերպված կայուն խմբի կազմում, պլանավորել են հանցագործությունների կատարումը, Կ.Կարապետյանը Ա. Մարտիրոսյանին տրամադրել է զենք` գազային ատրճանակ, որի գործադրմամբ վերջինս 2009թ. նոյեմբերի 30-ին, ապօրինի մուտք գործելով, առանձնապես խոշոր չափերով գույք հափշտակելու նպատակով, կյանքի և առողջության համար վտանգավոր բռնություն գործադրելու սպառնալիքներ տալով ավազակություն է կատարել Երևան քաղաքի Կուրղինյան փողոցի 3 շենքի 44 բնակարանի բնակիչների /ամուսիններ Արսեն Լալայանցի և Ելենա Վարդազարյանի/ նկատմամբ:

2011 թվականի փետրվարի 18-ին Դիլիջան քաղաքի բնակիչ Վահե Սանթրոսյանին ոտիկանության բաժանմունք են հրավիրել` մեկնաբանելով, որ վիճաբանություն է տեղի ունեցել և անհրաժեշտ են պարզաբանումներ: Բաժանմունքում անջատել են Սանթրոսյանի հեռախոսը և չեն թույլատրել, որպեսզի նա կապվի փաստաբանի և ընտանիքի անդամների հետ: Հաջորդ օրը` առավոտյան, նրա մորը` Հրանուշ Կոխլիկյանին, զանգահարել են ոստիկանության աշխատակիցներն ու ասել, որ իր տղայի համար հագուստներ բերի բաժանմունք:

2011թ.մայիսի 16-ին, “Նուբարաշեն” ՔԿՀ-ում պահվող Տիգրան Փոստանջյանը հայտարարել է հացադուլ անմարդկային և նվաստացնող վերաբերմունքի դեմ:Համաձայն www.tert.am լրատվական կայքի`մայիսի 16-ին “Ժառանգություն” խմբակցության ղեկավար Ստեփան Սաֆարյանը նամակով դիմել է Մարդու իրավունքների պաշտպան Կարեն Անդրեասյանին, Արդարադատության նախարար Հրայր Թովմասյանին և ոստիկանապետ Ալիկ Սարգսյանին` հայտնելով, որ “Ժառանգություն” խմբակցության պատգամավոր Զարուհի Փոստանջյանի եղբորը` Տիգրան Փոստանջյանին, պահում են 25 ք/մ մակերեսով բանտախցում ևս 18 կալանավորի հետ, ծխող և չծխող կալանավորները պահվում են միասին, նրանք ստիպված են քնել հերթափոխով, միջատների առատության պատճառով՝ հագուստով։

2010թ. հունվարի 10-ին «Մոսկվա» կինոթատրոնում տեղի է ունեցել գողություն: Կասկածյալի նկատմամբ ոստիկանությունում կիրառվել են բռնություններ: Խոշտանգումների արդյունքում կորզվել է ինքնախոստովանական ցուցմունք, որի հիման վրա էլ «սարքվել» է քրեական գործ: Չնայած ամբաստանյալի, փաստաբանների և իրավապաշտպան կազմակերպությունների հայտարարություններին ու ԶԼՄ-ներում տեղ գտած բազմաթիվ հրապարակումներին, պատկան մարմինները հրաժարվում են կատարել օրենքի պահանջը` հետաքննել խոշտանգման փաստը:

Վահան Խալաֆյանի գործը (Հելսինկյան ասոցիացիա 2010 ամենամյա զեկույց)

Խոշտանգում և վատ վերաբերմունք (Հելսինկյան ասոցիացիա 2010 ամենամյա զեկույց)

Նիկոլ Փաշինյան (ըստ www.nikolpashinyan.com)

2010թ. հոկտեմբեր-նոյեմբեր ամիսների ընթացքում ազատազրկման մեջ գտնվող “Հայկական ժամանակ” օրաթերթի գլխավոր խմբագիր Նիկոլ Փաշինյանը ենթարկվել է ֆիզիկական և հոգեբանական բռնությունների Արագածոտնի մարզի Կոշ քրեակատարողական հիմնարկում, քանի որ վերջինս հրաժարվել էր ենթարկվել պահանջներին` դադարել քննադատական հոդվածներ գրել բանտից: Փաշինյանը երկու ամսվա ընթացքում չորս անգամ ենթարկվել է ֆիզիկական հարձակումների, այնուհետև` տեղափոխվել Արթիկ քրեակատարողական հիմնարկ, որտեղ բանտախցում պահվում է միայնակ: Մինչ տեղափոխումը, նոյեմբերի 11-ին, նա ծեծի է ենթարկվել իր իսկ բանտախուցում երկու դիմակավորված անձանց կողմից, երբ քնած է եղել:

Նոյեմբերի 1-ին, 2010թ. Կոտայքի մարզի ընդհանուր իրավասության դատարանում ոստիկանության Չարենցավանի բաժնում ապրիլի 13-ին մահացած 24-ամյա Վահան Խալաֆյանի իրավահաջորդի ներկայացուցիչ Արտակ Զեյնալյանը ներկայացրեց պաշտպանական ճառը:

Ապրիլի 13-ին,2010թ. Չարենցավանի ոստիկանությունում գողություն կատարելու կասկածանքով բերման է ենթարկվել 24-ամյա Վահան Խալաֆյանը, ով մահացել է այնտեղ դանակի մահացու վնասվածքներից:
Հարուցվել է քրեական գործ՝ քր․ օրենսգրքի 110 հոդվածի 1-ին մասի հատկանիշներով “Անձին ինքնասպանության հասցնելը”։