Prosecution

2011թ. հունիսի 17-ին  Երևան ք. Դավիթաշեն համայնքում տեղի է ունեցել ընդդիմադիր ուժ Հայ Ազգային Կոնգրեսի գրասենյակի բացումը:  Վաղ առավոտյան, ժամը 10:00-ի սահմաններում գրասենյակ էին այցելել ոստիկանության աշխատակիցները: Գրասենյակի աշխատանքները համակարգող Սաթենիկ Խաչատրյանը Հելսինկյան Ասոցիացիայի դիտորդ Ա.Վեզիրյանի հետ ունեցած զրույցում հայտնել է, որ ոստիկանները մտել են գրասենյակ ևւ հետաքրքրվել, թե ինչի համար է բացվում գրասենյակը, կա արդյոք վարձակալության պայմանագիրը: Այնուհետև ոստիկանները վերցրել են տիկին Խաչատրյանի հեռախոսահամարը և պարբերաբար զանգահարել` ճշտելու համար, թե որտեղ են աշխատում նրա որդին և ամուսինը:

 Դիտեք տեսանյութը ստորև

Իրավապաշտպաններ(Հելսինկյան ասոցիացիա 2010 ամենամյա զեկույց)

Սամսոն Խաչատրյան (լուսանկարը՝ www.epress.am)

2011թ. մարտի 15-ին, Կենտրոն և Նորք-Մարաշ համայնքների ընդհանուր իրավասության դատարանը /դատավոր Մնացական Մարտիրոսյան, փաստաբան Արա Զաքարյան / որոշում է կայացրել ընդդիմադիր ուժ Հայ Ազգային Կոնգրեսի ակտիվիստ, բռնցքամարտի ԽՍՀՄ և Եվրոպայի բազմակի չեմպիոն Սամսոն Խաչատրյանի նկատմամբ իբրև խափանման միջոց ընտրել երկամսյա կալանքը:

Մարտի 14-ին Սամսոն Խաչատրյանի նկատմամբ հարուցվել էր քրեական գործ ՀՀ քրեական օրենսգրքի 316 հոդվածի 1-ին մասով/ իշխանության ներկայացուցչի նկատմամբ կյանքի կամ առողջության համար ոչ վտանգավոր բռնություն գործադրելը /:

2011թ. մարտի 14-ին, ժամը 9:20-ին Փափազյան-Քոչար խաչմերուկում գտնվող իր խանութի մոտից Արաբկիրի ոստիկանական բաժին բերման է ենթարկվել Հայ Ազգային Կոնգրեսի ակտիվիստ Արտաշես Սարդարյանը: Երբ վերջինս պահանջել է իրեն ներկայացնել ծանուցագիր, ոստիկանները ոլորել են նրա թևերը և տեղափոխել ոստիկանական բաժանմունք:

Բաժանմունքում Ա. Սարդարյանից պահանջել են չմասնակցել Հայ Ազգային Կոնգրեսի կողմից կազմակերպվող հանրահավաքներին և դրանց կազմակերպչական գործողություններին:

Սամսոն Խաչատրյան (լուսանկարը՝ www.epress.am)

2011թ. մարտի 13-ին, ժամը 16:00-ի սահմաններում ըստ ականատեսների` Վազգեն Սարգսյանի անվան “Հանրապետական” մարզադաշտի մոտ հատուկ ջոկատայինների հագուստով դիմակավոր անձինք կտրել են Սամսոն Խաչատրյանի /ընդդիմադիր ուժ Հայ Ազգային Կոնգրեսի ակտիվիստ, բռնցքամարտի ԽՍՀՄ և Եվրոպայի բազմակի չեմպիոն/ ավտոմեքենայի ճանապարհը, նրան բռնությամբ նստեցրել են իրենց մեքենան և տարել անհայտ ուղղությամբ: Ապա, նրան բերման են ենթարկել Ոստիկանության Կենտրոնական քննչական բաժին։