Peaceful Assembly

2011թ. նոյեմբերի 25-ին, ժամը 14:30-ին Երևանում Բելառուսի դեսպանատան դիմաց տեղի ունեցավ ակցիա ի պաշտպանություն “Վեսնա” իրավապաշտպան կենտրոնի ղեկավար, Մարդու իրավունքների միջազգային ֆեդերացիայի (FIDH) փոխնախագահ Ալես Բելյացկուն:

Ակցիային մասնակցեցին Հարավկովկասյան իրավապաշտպանների ցանցի հայաստանյան անդամ-կազմակերպությունները, ինչպես նաև քաղաքացիական հասարակության ակտիվիստները "Ազատություն Ալես Բելյացկուն", "Մեր և ձեր ազատությունների համար" "Ազատություն քաղբանտարկյալներին" կարգախոսներով: Ակցիան լուսաբանվեց ԶԼՄ-երի կողմից:

Երեկ` 2011թ. նոյեմբերի 24-ին  “Վեսնա” իրավապաշտպան կենտրոնի ղեկավար, Մարդու իրավունքների միջազգային ֆեդերացիայի (FIDH) փոխնախագահ Ալես Բելյացկուն դատապարտեցին 4,5 տարվա ազատազրկման: Բելառուսի իշխանությունները նրան ձերբակալել էին ակնհայտ քաղաքական շարժառիթներով՝ հարկերից խուսափելու մեղադրանքով:

Քիչ առաջ ՀՔԾ-ում բռնության են ենթարկվել Հայ ազգային կոնգրեսի երիտասարդ ակտիվիստներ Վահագն Գևորգյանը և Դավիթ Քիրամիջյանը: Երիտասարդները ՀՔԾ են գնացել այս տարվա օգոստոսի 9-ին Կարապի լճի հարևանությամբ ոստիկանների հետ տեղի ունեցած միջադեպի կապակցությամբ հարոցված քրեական գործի շրջանակներում:

2011թ. հոկտեմբերի 20-ին, ժամը 11:00-ին ՀՀ Կառավարության շենքի դիմաց սկսվել է զոհված զինվորների հարազատների բողոքի ակցիան, որը կազմակերպել էր “Բանակն իրականում” նախաձեռնող խումբը:

2011թ. հոկտեմբերի 1-ից 2-ը, Ազատության հրապարակի տարածքում գործող սրճարանների դռները փակ էին հաճախորդների համար: Սրճարաններից և այնտեղ գտնվող սանհանգույցներից կարողանում էին օգտվել միայն ոստիկանության աշխատակիցները:

2011թ. սեպտեմբերի 21-ին, ժամը 09:00-ին Երևանի կենտրոնում` Սարյանի պուրակում,  ակտիվիստների մի խումբ բողոքի ակցիա էր անցկացնում ՀՀ Անկախության 20-ամյակին նվիրված զորահանդեսին օտար զորախմբերի և դրոշների մասնակցության դեմ: Բողոքի ակցիայի կազմակերպիչները հավաքվել են Սարյանի պուրակում` նպատակ ունենալով քայլերթ սկսել ի նշան բողոքի, սակայն ոստիկանները խոչընդոտել են ակցիայի անցկացումը: Նրանք խլել են ակցիայի մասնակիցների պարզած պաստառները, որոնց վրա գրված էր “Հայաստանը Ռուսաստանի մասը չէ”, “Անկախ Հայաստան”:

Մարզերից դեպի Երեւան տանող բոլոր ճանապարհները վերահսկվում են, միջքաղաքային տրանսպորտը, ինչպես նաեւ մասնավոր տաքսի ծառայությունները չեն աշխատում։ Այս մասին "Ա1+" լրատվական կայքին տեղեկացրել է ՀՀ առաջին նախագահ, ընդդիմադիր ուժ Հայ ազգային կոնգրեսի առաջնորդ /ՀԱԿ/ Լեւոն Տեր-Պետրոսյանի մամուլի խոսնակ Արման Մուսինյանը։Ըստ նրա՝ վաղ առավոտվանից արդեն փակ են եղել Տավուշ մարզից, Արմավիրից, էջմիածնից Երեւան տանող ճանապարհները։ Նրա փոխանցմամբ՝ Գավառի մայրուղու վրա ձեւավորվել է ՃՈ պահակակետ, որտեղ կանգնեցնում են հասարակական տրանսպորտով եւ տաքսիներով մայրաքաղաք եկող քաղաքացիներին եւ նրանց ետ դարձնում։

2011թ.սեպտեմբերի 5-ին, ժամը 14:00-15:00, Երևանում Բելառուսի Հանրապետության դեսպանատան դիմաց տեղի ունեցավ Պիկետ ի պաշտպանություն “Վյասնա” իրավապաշտպան կենտրոնի հիմնադիր և ղեկավար, Մարդու իրավունքների միջազգային ֆեդերացիայի փոխնախագահ Ալես Բելյացկու: Պիկետի մասնակիցները դիմել են ՀՀ-ում Բելառուսի Հանրապետության Արտակարգ և Լիազոր դեսպան Պարոն Ստեփան Նիկոլայի Սուխարենկոյին, ի դեմս Նրա՝ Բելառուսի Հանրապետության իշխանություններին՝ կապված Ալես Բելյացկու ձերբակալման և քրեական հետապնդման հետ: ''Ի պաշտպանության Ալես Բելյացկու'' ակցիաները այսօր կազմակերպվել են տարբեր երկրներում, ներառյալ Ուկրաինայում, Լիտվայում, Ռուսաստանում, Ղրղզստանում, Շվեդիայում և այլն: Ակցիաների մասնակիցների պահանջն է՝ անհապաղ ազատ արձակել Ալես Բելյացկուն և դադարեցնել նրա նկատմամբ քրեական հետապնդումը:

լուսանկարը www.lragir.am-իԳյումրիից դեպի Երեւան շարժվող միկրոավտոբուսները ժամը 11-ից չեն գործում: Ուղեւորները վաղ առավոտից սպասում են, սակայն միկրոավտոբուսներ Ավտոկայանի տարածքում չկան: Ուղևորների խոսքերով վաղ առավոտյան ընդամենը երկու միկրոավտոբուս է  շարժվել Երեւան ու վերջ, իրենք ժամերով սպասում են, բայց ոչ մի հուսադրող պատասխան Ավտոկայանի աշխատակիցները չեն տալիս:

լուսանկարը http://breakdance2thelimit.blogspot.com-ի2011թ. հունիսի 29-ին, ժամը 21:30-ի սահմաններում Երևան ք. Ազատության հրապարակում  պարող մի խումբ երեխաների մոտեցել են ոստիկանության աշխատակիցները և պահանջել հավաքել իրենց իրերը և հեռանալ: Ոստիկաններից մեկը տղաներից մեկի գլխից քաշել և գետնին  է նետել գլխարկը՝կոպիտ ձևով ասելով հետևյալը “Ես ձեզ չասե՞ցի, որ գնաք ստեղից, արագացրե’ք”: