Freedom of Speech

Ըստ Հելսինկյան Ասոցիացիայի ստացած տվյալների`այսօր ժամը 17:00-ի սահմաններում տեղի է ունեցել Արմինե Օգանեզովայի (Ծոմակի) հասցեին ուղղված հերթական սպառնալիքը: Հիշեցնենք, որ Մայիսի 8-ին առավոտյան ժամը 05:30-ի սահմաններում Ծոմակին պատկանող "Դի-Այ-Ուայ" փաբը պայթեցվել էր երիտասարդ ազգայնական խմբի անդամների կողմից: Վերջին օրերին ամեն օր տվյալ երիտասարդները խմբով գալիս են "Դի-Այ-Ուայ" փաբի մոտ նստում: Իսկ այսօր ժամը 16:30-ի սահմաններում տվյալ խմբի անդամներից 3-ը հերթական անգամ գալով այստեղ՝ սպառնալիքներ են տեղացել փաբի տիրուհու հասցեին, հայհոյել, ասելով, որ իրենք ֆաշիստ են և թույլ չեն տալու, որ վերականգնեն փաբը: Երիտասարդներից մեկն ընդհուպ թքել է Ծոմակի վրա: Զանգահարել են ոստիկանություն. ոստիկանությունից ոչ ոք մինչև հիմա չի ներկայացել:

Տեսանյութը` Հելսինկյան ասոցիացիայի

Տեսանյութը` Հելսինկյան ասոցիացիայի

2012 թվականի փետրվարի 3-ին, ժամը 11:00-ի շրջանում ձերբակալվել է  «Հայկական ժամանակ» օրաթերթի թողարկման պատասխանատու, լրագրող Հայկ Գևորգյանը, ով կեսօրից հետո տեղափոխվել է «Նուբարաշեն» քրեակատարողական հիմնարկ, և այդ ընթացքում նրան զանգ կատարելու հնարավորություն չի տրվել, ինչպես նաև որևէ պաշտոնական մարմին հարազատներին տեղյակ չի պահել նրա գտնվելու վայրի մասին:

Մարդու իրավունքների եվրոպական դատարանը մի շարք հարցադրումներ է ուղարկել Հայաստանի կառավարությանը` կապված 2008 թվականի մարտի 1-ին նախագահ Ռոբերտ Քոչարյանի կողմից արտակարգ դրություն սահմանելու հրամանագրով լրատվամիջոցների գործունեությունը սահմանափակելու դրույթի կապակցությամբ:

2011թ. սեպտեմբերի 15-ին, ժամը 14:00-ին, Կենտրոն և Նորք Մարաշ վարչական շրջանների ընդհանուր իրավասության դատարանում կայացավ Քոչարյանն ընդդեմ  “Հրապարակ”-ի գործով վերջին նախնական դատական նիստը /դատավոր՝ Էդիկ Ավետիսյան/ : Նախորդ նիստի ընթացքում դատավորն ընդունել էր հայցի առարկա հանդիսացող հոդվածի հեղինակ Լուսինե Պետրոսյանին դատարանում հարցաքննելու հայցվոր կողմի ներկայացրած միջնորդությունը: Սակայն, վկան դատարան չէր ներկայացել, իսկ դատարան ներկայանալու ծանուցագիրը վերադարձվել էր` “հասցեն թերի է” մակագրությամբ:

լուսանկարը http://www.armtimes.com-ի2011թ.հուլիսի 28-ին, ժամը 23.30-ի սահմաններում, Հանրապետության հրապարակում ոստիկանները բռնություն են գործադրել “Հայկական ժամանակ” օրաթերթի լրագրող Անի Գևորգյանի նկատմամբ, երբ վերջինս փորձել է կատարել իր մասնագիտական պարտականությունները:

Ա.Մելիքյան լուսանկարը http://www.a1plus.am-իԱյս եռամսյակում արձանագրվել է լրագրողների նկատմամբ ֆիզիկական բռնության 2 դեպք` ի տարբերություն նախորդ եռամսյակի, երբ ոչ մի դեպք չի դիտվել:2011թ. հուլիսի 19-ին, լրատվական դաշտում տեղի ունեցած խախտումները ամփոփելիս` Խոսքի ազատության պաշտպանության կոմիտեի նախագահ Աշոտ Մելիքյանը հայտարարեց, որ դիտվել է ընդհանուր առմամբ 10 իրավախախտում:

Ֆիզիկական բռնության առաջին դեպքը ապրիլի 21-ին “Հրապարակ” օրաթերթի դեմ “Զինվոր” ՀԿ-ների համագործակցության իրավապաշտպան համակարգող խորհրդի նախագահ Մարգարիտա Խաչատրյանի ագրեսիվ վերաբերմունքն է:

2011թ. հուլիսի 15-ին, Սահմանադրական Դատարանն հակասահմանադրական ճանաչեց մի նորմ, որը Վճռաբեկ դատարանը կիրառել է “Ա1+”-ի նկատմամբ:Հուլիսի 15-ին ՍԴ-ն “Մելտեքս” ՍՊԸ “Ա1+” հեռուստաընկերության հայցը քննարկել է միացյալ գործում, որտեղ միավորվել են ՀՀ ՍԴ-ի եւ Մարդու իրավունքների եվրոպական դատարանի որոշումների կատարման օրենսդրական ընթացակարգերի սահմանադրականությունը վիճարկող գործերը:Համաձայն ՍԴ-ում “Ա1+”-ի շահերի ներկայացուցիչ, փաստաբան Արտակ Զեյնալյանի՝ “Մենք դիմել էին ՍԴ՝ վիճարկելով այն նորմը, որը կիրառվել էր Վճռաբեկ դատարանի կողմից եւ ընդհանուր կարգով մերժվել էր “Ա1+”-ի վճռաբեկ բողոքը` դատական ակտը վերանայելու վերաբերյալ, որը կայացվել էր 2004թ:

2011թ. մայիսի 13-ին Amnesty International իրավապաշտպան կազմակերպությունը հրապարակել է 2011թ. զեկույցը, որում ներկայացված է մարդու իրավունքների վիճակը 157 երկրներում: Զեկույցն ընդգրկում է 2010 թվականի տեղեկությունները: Զեկույցում ներկայացված է մարդու իրավունքների խախտումների հինգ կատեգորիա` "Մահվան դեպք ոստիկանության բաժանմունքում",  "Անպատժելիություն", "Խոսքի ազատություն", "Բռնություն կանանց եւ աղջիկների նկատմամբ" եւ "Խղճի բանտարկյալներ":