arshaluys

Օգոստոսի 11-ին, առավոտյան, Կանադայի Տորոնտո քաղաքում 38 տարեկան հասակում կյանքից հեռացել է Հելսինկյան Ասոցիացիայի մոնիտորինգային խմբի անդամ Արշալույս Հակոբյանը: Հակոբյանը գտնվում էր Կանադայում` կանադական իշխանություններից քաղաքական ապաստարան ստանալու նպատակով: Այդ քայլին գնալ նրան ստիպել է հայկական իշխանությունների կողմից իրականացվող շարունակական հետապնդումները:

Փետրվարի 5-ին, 2010թ. Երևանի Կենտրոն և Նորք-Մարաշ վարչական շրջանների ընդհանուր իրավասության դատարանում շարունակվեց Հելսինկյան Ասոցիացիայի դիտորդ, իրավապաշտպան Արշալույս Հակոբյանի գործով դատավարությունը /փաստաբան` Գ. Խաչատրյան, դատավոր` Գ. Ավետիսյան, մեղադրող` Հ. Բաբայան/: Դատավարությունը մեղադրող կողմի միջնորդությամբ արդեն 3 ամիս է հետաձգվում է հիմնավորմամբ, որ Հակոբյանին առաջադրված մեղադրանքը ենթակա է փոփոխման: Փետրվարի 5-ին կայացած դատական նիստի ընթացքում մեղադրող կողմը հրաժարվեց Հակոբյանին առաջադրած մեղադրանքից` ապացույցների անբավարար լինելու պատճառաբանությամբ, որի հիման վրա դատարանը առաջադրված մեղադրանքով Արշալույս Հակոբյանին ճանաչեց անմեղ և դատարանով արդարացված:

Կենտրոն և Նորք Մարաշ համայնքների ընդհանուր իրավասության դատարանը դատավոր Գ.Խանդանյանի նախագահությամբ 06.11.2009 թ-ին քննության է առել Արշալույս Հակոբյանի և նրա պաշտպան Գայանե Խաչատրյանի բողոքը ոստիկանության Կենտրոն բաժնի քննիչ Կ.Նազարյանի 29.07.2009 թ-ին կայացրած` Վ.Բադալյանի և Ա.Սարգսյանի նկատմամբ քրեական հետապնդում չիրականացնելու մասին որոշման դեմ և որոշել բողոքի քննությունը վերսկսել, քանի որ պաշտպան Գ.Խաչատրյանը պատշաճ ծանուցված չի եղել դատական նիստի մասին:

Հոկտեմբերի 16-ին, 2009թ. Երևանի Կենտրոն և Նորք-Մարաշ ընդհանուր իրավասության դատարանում շարունակվեց Հելսինկյան Ասոցիացիայի դիտորդ, իրավապաշտպան Արշալույս Հակոբյանի դատավարությունը /փաստաբան` Գ. Խաչատրյան, դատավոր` Գ. Ավետիսյան, մեղադրող` Հ. Բաբայան/: Դատական նիստի ժամանակ մեղադրող կողմը միջնորդություն ներկայացրեց դատարանին հետաձգել դատաքննությունը մեկ ամսով`գտնելով, որ Հակոբյանին առաջադրված մեղադրանքը ենթակա է փոփոխման, և միջնորդեց փոխել մեղադրյալ Ա. Հակոբյանի նկատմամբ ընտրված խափանման միջոց կալանավորումը նոր խափանման միջոցով` ստորագրություն քաղաքից չհեռանալու մասին:

Հոյտեմբերի 6-ին, 2009թ. Երևանի Կենտրոն և Նորք-Մարաշ համայնքների ընդհանուր իրավասության դատարանում շարունակվեց Հելսինկյան Ասոցիացիայի դիտորդ, իրավապաշտպան Արշալույս Հակոբյանի դատավարությունը, որը մեղադրվում է ՀՀ Քր.Օր 316 հոդվածի 1-ին մասով` իշխանության ներկայացուցչի նկատմամբ բռնության գործադրում /փաստաբան` Գ. Խաչատրյան, դատավոր` Գ. Ավետիսյան, մեղադրող` Հ. Բաբայան:

Սեպտեմբերի 23-ին, 2009թ. Երևանի Կենտրոն և Նորք-Մարաշ ընդհանուր իրավասության դատարանում շարունակվեց Հելսինկյան Ասոցիացիայի դիտորդ, իրավապաշտպան Արշալույս Հակոբյանի դատավարությունը, որը մեղադրվում է ՀՀ Քր.Օր 316 հոդվածի 1-ին մասով` իշխանության ներկայացուցչի նկատմամբ բռնության գործադրում /փաստաբան` Գ. Խաչատրյան, դատավոր` Գ. Ավետիսյան, մեղադրող` Հ. Բաբայան:

Սեպտեմբերի 15-ին, 2009թ. Երևանի Կենտրոն և Նորք-Մարաշ ընդհանուր իրավասության դատարանում սկսվեց Հելսինկյան Ասոցիացիայի դիտորդ, իրավապաշտպան Արշալույս Հակոբյանի դատավարությունը:
Վերջինիս մեղադրանք է առաջադրված ՀՀ Քր.Օր 316 հոդվածի 1-ին մասով` իշխանության ներկայացուցչի նկատմամբ բռնության գործադրում: Նրան մեղադրանք է առաջադրվել 4 ոստիկանների ցուցմունքների հիման վրա:

Հարավկովկասյան իրավապաշտպանների ցանցի անդամները խորապես մտահոգված են հայազգի իրավապաշտպան, Հայաստանի Հելսինկյան Ասոցիացիայի անդամ Արշալույս Հակոբյանի նկատմամբ շարունակվող անօրինական և անհիմն կալանավորմամբ: Վերջինս ձերբակալվել է 2009 թ. հունիսի 5-ին` իր ձերբակալության ժամանակ ոստիկանության ներկայացուցիչներին դիմադրություն ցույց տալու համար: Ցանցի անդամները կարծում են, որ Ա. Հակոբյանի կալանավորման իրական պատճառը կապված է ոչ միայն 2009թ. մայիսի 31-ին կայացած Երևանի քաղաքապետի ընտրություններում նրա կողմից իրականացված դիտորդական առաքելության հետ, այլ առաջին հերթին` նրա իրավապաշտպան գործունեության հետ:

Executive Summary

Urgent Appeal against Detention of Hakobyan