Army

լուսանկարը` Ա.Վեզիրյանի2011թ.դեկտեմբերի    14-ին   10.30-11. 00  սահմաներում   Եղնիկներ  զորամասում տեղի   է    ունեցել   հերթական   միջադեպը:  Այս   տարվա  գարնանային   զորակոչին  բանակ  զորակոչված  Էջմիածին  քաղաքի  բնակիչ  18 –ամյա   Նարեկ   Անդրանիկի   Ավետիսյանը,  ով  14 օր  գտնվել   է   դիրքերում,  20կմ  քայլելուց   հետո,   մուտք   գործելով   զորամասի   ճաշարան, նույն   զորամասի  ենթասպա   ԼՂ Հ  բնակիչ Արմեն  Թովմասյանից   ստանում   է   հրաման՝   նույն   պահին  հերթապահություն  իրականացնելու:

Լուսանկարը՝ Ա.ՎեզիրյանիԵրևանի Շենգավիթի ընդհանուր իրավասության դատարանում այսօր շարունակվել է  2010 թվականի հուլիսի 27-ին Տավուշի մարզի «Մեհրաբ» զորամասում զոհված լեյտենանտ Արտակ Նազարյանի գործով դատական նիստը:Դատավոր Սամվել Մարդանյանն այսօրվա դատական նիստի հենց սկզբում մերժեց տուժողի իրավահաջորդի ներկայացուցիչ, Հելսինկյան ասոցիացիայի ներկայացուցիչ  Ռուբեն Մարտիրոսյանի՝ դատավորին ներկայացրած ինքնաբացարկի միջնորդությունը:

2011թ. նոյեմբերի 16-ին Երևանի Շենգավիթի ընդհանուր իրավասության դատարանում կայացել է  2010 թվականի հուլիսի 27-ին Տավուշի մարզի «Մեհրաբ» զորամասում զոհված լեյտենանտ Արտակ Նազարյանի գործով դատական արտագնա նիստը: Սա այս գործով Երևանում անցկացվող առաջին նիստն էր, մինչ այդ դատական նիստերն անցկացվել են Տավուշի մարզի Բերդ քաղաքում:Հիշեցնենք, որ համաձայն պաշտոնական վարկածի Արտակ Նազարյանին ինքնասպանության են հասցրել:

2011թ. հոկտեմբերի 14-ին, ժամը՝ 13:00-ին, "Բանակն իրականում" խումբը կազմակերպել էր ակցիա, որին մասնակցեցին բանակում զոհված զինծառայողների հարազատները, քաղաքացիական հասարակության ակտիվիստները, իրավապաշտպանները և լրագրողները:

լուսանկարը www.epress.am-իԱնցյալ տարվա ամռանը հայաստանյան բանակում գրանցված մի շարք աղմկահարույց  դեպքերից հետո տիրող հարաբերական անդորրը մի քանի համակարգային փոփոխությունների արդյունք էին: Այնուամենայնիվ, այդ վիճակը չէր կարող երկար տևել: Անդրադառնալով վերջին ամսվա ընթացքում հայաստանյան բանակում զինծառայողների մահվան դեպքերին` այս մասին Epress.am-ի հետ զրույցում ասել է Հելսինկյան ասոցիացիայի նախագահ, իրավապաշտպան Միքայել Դանիելյանը:

Հելսինկյան ասոցիացիայի նախագահ, իրավապաշտպան Միքայել Դանիելյանը զարմացած է, որ իրավապաշտպան կազմակերպություններն իրեն խնդրել են ստորագրել հայկական բանակին վերաբերող իրենց հայտարարության տակ: Այս մասին իրավապաշտպանն ասել է Epress.am-ի հետ զրույցում:Երեկ մի շարք իրավապաշտպան կազմակերպություններ հայտարարություն են տարածել, որում անդրադառնում են բանակում տիրող իրավիճակին, մարդկային զոհերին և պահանջում են ՀՀ գլխավոր գերագույն հրամանատար Սերժ Սարգսյանից գործուն քայլեր ձեռնարկել իրավիճակը շտկելու համար:

Ասկերանի զորամասերից մեկում խելագարված զինծառայող Հովհաննես Վարդանյանի հոր` Վարդան Վարդանյանի` սպայի կողմից որդու նկատմամբ կիրառված բռնության վերաբերյալ հրապարակումների առիթով ՀՀ զինվորական դատախազ Գևորգ Կոստանյանի ցուցումով քրեական գործ է հարուցվել:Նշենք, որ դեպքի վերաբերյալ ՊՆ-ն հաղորդագրություն է տարածել միայն այսօր՝ նրանից հետո, երբ Հովհաննես Վարդանյանի մասին գրեցին զանգվածային լրատվամիջոցները:

Համաձայն պաշտոնական տեղեկատվության` Երեւանից Լեռնային Ղարաբաղ զորակոչված, 1992 թվականին ծնված Աղասի Աբրահամյանը մահացել է Ղարաբաղի զորամասերից մեկում օգոստոսի 26-ին, ժամը 21:30-ի սահմաններում: Անգիտակից վիճակում զինվորական հոսպիտալ տեղափոխվելուց մեկ ժամ անց 18-ամյա զինվորը մահացել էր:

Ութ ամիս առաջ բանակ զորակոչված Աղասիի մայրը` Գայանե Աբրահամայանն ասում է, որ որդու մարմնի վրա բազմաթիվ վնասվածքներ կան, ինչը վկայում է նրան դաժանաբար ծեծելու մասին: "Իմ երեխային դաժանաբար ծեծելով սպանել են: Ես առողջ երեխա եմ տվել, առողջ էլ ուզում էի ստանալ, ոչ թե մահացած բերեին-դնեին իմ տանը եւ ինձ մղկտացնեին", - պնդում է մայրը:

2007 թվականի օգոստոսի 30-ին Գեղարքունիքի մարզի գյուղ Կարճաղբյուրի զորամասում սպանվել է ժամկետային զինծառայող կրտսեր սերժանտ Տիգրան Օհանջանյանը: Դեպքի առթիվ 2007 թվականի օգոստոսի 31-ին քրեական գործ է հարուցվել, և նախաքննություն է ձեռնարկվել: Նախաքննությունը տևել է մոտ 1 տարի 1 ամիս/ քննիչ` Գնել Մանուկյան/: Արդյունքում մահվան պատճառ է արձանագրվել էլեկտրահարումը, և մեղադրանք է ներկայացվել զորամասի կապի հանգույցի աշխատակիցներ Կարեն Թովմասյանին և Ռուստամ Ասատրյանին: