Human Rights

Տեսանյութը` Հելսինկյան ասոցիացիայի

Երևանի Կենտրոն և Նորք-Մարաշ վարչական շրջանների ընդհանուր իրավասության դատարանում այսօր շարունակվեց Հայ Ազգային Կոնգրեսի երիտասարդ ակտիվիստներ Տիգրան Առաքելյանի, Սարգիս Գևորգյանի, Դավիթ Քիրամիջյանի և Արտակ Կարապետյանի գործով դատական նիստը:

2011թ. նոյեմբերի 28-ին բելգիացի ակտիվիստ Լյուկ Վադեվալեին  մեղադրանք էր առաջադրվել քրեական օրենսգրքի 258 հոդվածի (Խուլիգանություն) 3-րդ մասի 1-ին և 2-րդ կետերի հատկանիշներով:

2011թ. նոյեմբերի 25-ին, ժամը 14:30-ին Երևանում Բելառուսի դեսպանատան դիմաց տեղի ունեցավ ակցիա ի պաշտպանություն “Վեսնա” իրավապաշտպան կենտրոնի ղեկավար, Մարդու իրավունքների միջազգային ֆեդերացիայի (FIDH) փոխնախագահ Ալես Բելյացկուն:

Ակցիային մասնակցեցին Հարավկովկասյան իրավապաշտպանների ցանցի հայաստանյան անդամ-կազմակերպությունները, ինչպես նաև քաղաքացիական հասարակության ակտիվիստները "Ազատություն Ալես Բելյացկուն", "Մեր և ձեր ազատությունների համար" "Ազատություն քաղբանտարկյալներին" կարգախոսներով: Ակցիան լուսաբանվեց ԶԼՄ-երի կողմից:

2011թ. նոյեմբերի 24-ին Ալես Բելյացկին դատապարտվեց 4,5 տարվա ազատազրկման: Բելառուսի իշխանությունները նրան ձերբակալել էին ակնհայտ քաղաքական շարժառիթներով՝ հարկերից խուսափելու մեղադրանքով: Amnesty International իրավապաշտպան միջազգային կազմակերպությունը Բելյացկուն ճանաչել է խղճի գերի: Բելյացկու գործի մասին տեղեկատվությունը հասանելի է http://spring96.org/ru/tags/1183

List of convicted Conscientious Objectors in Republic of Armenia as of November 2011

Հելսինկյան ասոցիացիան վերջին ամիսների ընթացքում մի քանի նամակ է ուղարկել նորանշանակ արդարադատության նախարար Հրայր Թովմասյանին: Եթե նախկին նախարարն իրեն ուղղված նամակներին պատասխանում էր օրենքով հստակ սահմանված ժամկետներում, ապա Հրայր Թովմասյանը (ով իրեն ավելի դեմոկրատ է համարում) կամ պատասխանելու պարտականությունը պատվիրակում է իր ստորադասության տակ գտնվող որևէ հիմնարկության աշխատակցին, կամ, ինչպես մեր վերջին նամակի դեպքում, տարբեր պատճառաբանություններով ընդհանրապես հրաժարվում է պատասխանել:

ՀՀ Կենտրոն և Նորք Մարաշ վարչական շրջանների ընդհանուր իրավասության դատարանում քննվող`  Խդր Մամոյի Բրոյանի  վերաբերյալ ՀՀ քր. օր. 266 հոդվածի 3-րդ մասի 2-րդ կետով, 266 հոդվածի 4-րդ մասով, 268 հոդվածի 3-րդ մասով, 268 հոդվածի 2-րդ մասի 1-ին և 2-րդ կետերով, 165 հոդվածի 4-րդ մասով Սամվել և Մանվել Մարտիկի Ասատրյանների վերաբերյալ ՀՀ քր. օր. 266 հոդվածի 3-րդ մասի 2-րդ կետով, 266 հոդվածի 4-րդ մասով և 268 հոդվածի  3-րդ մասով,   քրեական գործի դատական քննության  ընթացքում ամբաստանյալներ` Խդր Բրոյանը, Մանվել և Սամվել Ասատրյանները  ցուցմունքներ են  տվել, որ քրեական գործի նախաքննության ընթացքում իրենց նկատմամբ  խորթ մեթոդներ են կիրառվել, ենթարկվել են խոշտանգումների, ծեծի և բռնության: Սպառնալիքի ազդեցության տակ տվել են  իրականությանը չհամապատասխանող  ցուցմունքներ:

2011թ. հունիսի 17-ին  Երևան ք. Դավիթաշեն համայնքում տեղի է ունեցել ընդդիմադիր ուժ Հայ Ազգային Կոնգրեսի գրասենյակի բացումը:  Վաղ առավոտյան, ժամը 10:00-ի սահմաններում գրասենյակ էին այցելել ոստիկանության աշխատակիցները: Գրասենյակի աշխատանքները համակարգող Սաթենիկ Խաչատրյանը Հելսինկյան Ասոցիացիայի դիտորդ Ա.Վեզիրյանի հետ ունեցած զրույցում հայտնել է, որ ոստիկանները մտել են գրասենյակ ևւ հետաքրքրվել, թե ինչի համար է բացվում գրասենյակը, կա արդյոք վարձակալության պայմանագիրը: Այնուհետև ոստիկանները վերցրել են տիկին Խաչատրյանի հեռախոսահամարը և պարբերաբար զանգահարել` ճշտելու համար, թե որտեղ են աշխատում նրա որդին և ամուսինը:

 Դիտեք տեսանյութը ստորև

Տեսանյութը` Հելսինկյան ասոցիացիայի

2011թ. դեկտեմբերի 22-ին,Երևանի Կենտրոն և Նորք-Մարաշ վարչական շրջանների ընդհանուր իրավասության դատարանում շարունակվել է Հայ Ազգային Կոնգրեսի երիտասարդ ակտիվիստներ Տիգրան Առաքելյանի, Սարգիս Գևորգյանի, Դավիթ Քիրամիջյանի և Արտակ Կարապետյանի գործով դատական նիստը: