• Slideshow1
  • John Hay
  • vladimir-visotskiy
  • Honoré Mirabeau 4
  • Hunter S tomson
  • «Ժողովրդավարությունը վատ վարչակարգ է, բայց ոչ ոք ավելի լավը դեռ չի հորինել»:

    Ուինստոն Չերչիլ ,Բրիտանացի քաղաքական գործիչ
  • «Պետական բռնակալության սարսափը հազվադեպ է տեսնում նա, ով չի փորձում դրան դիմակայել»:

    Ջոն Հեյ ,Ամերիկացի դիվանագետ
  • «Իրական խենթերը քիչ են, ահա և չկա առաջնորդ»:

    Վլադիմիր Վիսոցկի ,Դերասան և պոետ
  • «Կամավոր ստրուկներն ավելի շատ բռնապետներ են ստեղծում, քան թե բռնապետները՝ ստրուկներ»:

    Օնորե Գաբրիել Միրաբո ,Ֆրանսիացի քաղաքական գործիչ
  • «Ազատությունը մեռնում է այն ժամանակ, երբ այն պետք չէ»:

    Հանթեր Ս. Թոմսոն, ամերիկացի լրագրող

«Արա, բան ունե՞ս ասելու». դատախազը՝ Ներսես Պողոսյանին

Neso_nkar.jpg
Այսօր Ժիրյար Սեֆիլյանի և մյուսների գործով դատական նիստի ժամանակ Ներսես Պողոսյանի պաշտպան Արայիկ Պապիկյանը միջնորդեց, որպեսզի իր պաշտպանյալի նկատմամբ կիրառվի խափանման այլընտրանքային միջոց:

«Նախաքննության ընթացքում Ներսես Պողոսյանը որևէ խնդիր չի առաջացրել, որևէ անօրինական ազդեցություն չի գործադրել ոչ մեկի վրա: Նրա խնամքին են երեք փոքրահասակ երեխա, կինը, վատառողջ մայրը, որը վերջերս ավտովթարի ենթարկվելու հետևանքով   ներկայումս բուժումներ է ստանում, անձը հայտնի է, ունի մշտական բնակության վայր: Այս ամենը հավստիք են, որ կալանքի մեջ չգտնվելու պայմաններում Ներսես Պողոսյանը կդրսևորի պատշաճ վարքագիծ: Ներսես Պողոսյանի պատշաճ վարքագիծը անձնական երաշխավորությամբ երաշխավորել են ՀՀ ԱԺ ութ պատգամավորներ»,- ասաց Արայիկ Պապիկյանը:

Մեղադրող դատախազ Պետրոս Պետրոսյանը հայտնելով իր կարծիքը միջնորդության վերաբերյալ՝ ասաց, որ  առարկում է՝ միջնորդությունը համարելով անհիմն: Մեղադրողի խոսքերով՝ գործի քննության ընթացքում առկա են եղել և պահպանվել են ամբաստանյալի կողմից գործի քննությունից թաքնվելու հիմքեր, նաև գործի քննությանը խոչընդոտելու վերաբերյալ:

Դատավորը խորհրդակցական սենյակում միջնորդությունը քննելուց հետո դահլիճ վերադարձավ և մերժեց այն:

Դրանից հետո Ներսես Պողոսյանն ասաց, որ ցանկանում է  հայտարարություն անել:

«Նախ սկսեմ նրանից, որ էդ դատախազն ասեց կփախնի բան. Եթե իրանք կարան իրանց մամային պառկած թողնեն, երեք երեխեքին թողնեն փախնեն, իմ շրջապատում նման մարդիկ չկան, ընկերներսի մեջ՝ նույնպես: Երկրորդ՝ էսքան մեղադրյալներցի որևիցե մեկը թող կանգնի ասի, որ իրանց նկատմամբ  բռնվելուց մինչև հիմա մեկի հանդեպ ինչ-որ ճնշում եղել ա՞, որ տենց բաներ ասեց՝ առանց հիմնավորելու: Որ ասում ա հարգել չհարգելը, դա հաստատ կանգնել չկանգնելով չի որոշվում, եթե ձեր նկատմաբ, անձի նկատմամբ ոչ մի բան չունեմ, ուղղակի Հայաստանում, որ դատարան չկա, դա փաստ ա: Ու այդ ամենից ելնելով՝ հայտարարում են անժամկետ հացադուլ: Էս անգամ հաստատ, գլխավոր դատախազին կփոխանցես, որ կուտը չեմ ուտի, պարոն Պետրոսյան»,- ասաց Ներսես Պողոսյանը:

Այնուհետև, երբ դատավորը տեղեկացնում էր վկաների ծանուցման մասին՝ մեղադրող Պետրոսյանը դիմելով Ներսես Պողոսյանին՝ ասաց.

 «Արա, բան ունե՞ս ասելու... »: Դրան հետևեց աղմուկ դատական նիստերի դահլիճում: Դատախազի վարքագծի վերաբերյալ դատավորը կիրառեց դատական սանկցիա՝ նախազգուշացում, որից հետո դատական նիստը հետաձգվեց:
  • Դիտումներ: 6542
0
0
0
s2sdefault

Հայտարարություն

Helsinkyani_nkar_gunavor.jpg
2017 թ. սեպտեմբերի 11-ին տեղի ունեցավ «Հելսինկյան ասոցիացիա» իրավապաշտպան հասարակական կազմակերպության ընդհանուր ժողովի նիստը: Նիստն արձանագրեց փոփոխություն` կազմակերպության խորհրդի կազմում: Այսպիսով, նշյալ մարմնի ներկայիս կազմում ընդգրկված են կազմակերպության հետևյալ անդամները՝ Արայիկ Պապիկյան, Արարատ Մարգարյան, Արման Վեզիրյան:
  • Դիտումներ: 79
0
0
0
s2sdefault
Gyumrii_nist.jpg
Դատական «նորարարություն». Շիրակի մարզի ընդհանուր իրավասության դատարանի դատավոր Ա. Մանուկյանը դատավարության մասնակցի կարգավիճակ չունեցող անձի՝ դիտորդի-լրագրողի դիմումը` նիստը տեսանկարահանելու մասին, քննում է  խորհրդակցական սենյակում և կայացնում որոշում: Որոշումը՝ ստորև:

ԳործNՇԴ2/0037/01/15
Ո Ր Ո Շ ՈՒ Մ

Դատաքննության տեսալուսանկարահանման հարցը քննության առնելու մասին

18 Օգոստոսի 2017թ. ք. Գյումրի


Շիրակի մարզի ընդհանուր իրավասության դատարանը, նախագահությամբ՝ դատավոր Ա.Մանուկյանի, քարտուղարությամբ՝ Խ.Դանիելյանի, մասնակցությամբ՝ մեղադրող ՝ Ա. Շիրոյանի, տուժողի իրավահաջորդ Ռ. Ադանալյանի, պաշտպան՝ Ա. Հայրապետյանի, ամբաստանյալ՝ Ա. Մարտիրոսյանի, դռնբաց դատական նիստում քննության առնելով դատաքննությանը տեսալուսանկարահանումը թույլատրելու հարցը.

Պ Ա Ր Զ Ե Ց

Գործի դատաքննության ընթացքում դատական նիստերի դահլիճում գտնվող՝ Հելսինկյան ասոցիացիայի դիտորդ ՝ Արման Վեզիրյանը հայտարարեց, որ ցանկանում է նիստը տեսալուսանկարահանել:
Նշված հարցի կապակցությամբ մեղադրող՝ Ա. Շիրոյանը, տուժողի իրավահաջորդ՝ Ռ. Ադանալյանը, նշված հարցի վերաբերյալ առարկություն չներկայացրեցին:
Պաշտպան՝ Ա. Հայրապետյանը առարկեց հարցի դեմ, և հայտնեց, որ չեն ցանկանում որ դատաքննությունը տեսալուսանկարահանվի:
Ամբաստանյալ՝ Ա. Մարտիրոսյանը միանալով իր պաշտպանի դիրքորոշմանը , հայտնեց, որ ինքը չի ցանկանում, որ դատաքննությունը տեսալուսանկարահանվի, մասնավորապես, որ իրեն տեսալուսանկարահանեն:
Դատարանը, քննարկելով դատաքննությունը տեսալուսանկարահանելու հարցը, լսելով կողմերի կարծիքը, գտնում է, որ այն պետք է մասնակի բավարարել հետևյալ հիմնավորմամբ.
Համաձայն Եվրոպայի խորհրդի նախարարների կոմիտեի (2003) 13 հանձնարարականի՝ ուղղված Եվրոպայի խորհրդի երկրների, որի 14-րդ սկզբունքում ասված է. ««Լրատվամիջոցների կողմից ուղիղ հեռարձակումը դատական նիստերի դահլիճից, կամ նկարահանումը պետք է արգելվի, բացառությամբ այն դեպքերի, երբ դա բացահայտորեն թույլատրվում է օրենքի կամ համապատասխան պաշտոնատար անձանց կողմից տեղեկատվություն հաղորդելու այլ ձևը չպետք է թույլատրվի, եթե դրանով ստեղծվում է քրեական դատավարության, տուժողների, վկաների, կողմերի, երդվյալների կամ դատավորների վրա անցանկալի ներգործության լուրջ վտանգ»:
Հետևաբար, դատարանը գտնում է, որ նման պայմաններում դատական նիստի տեսալուսանկարահանումը ամբաստանյալի մասով պետք է արգելել, իսկ մնացած մասով թույլատրել:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 102, 313 հոդվածներով՝ դատարանը.
ՈՐՈՇԵՑ

Դատաքննության տեսալուսանկարահանումը ամբաստանյալ՝ Արթուր Մարտիրոսյանի մասով արգելել, իսկ մնացած մասով թույլատրել:

ԴԱՏԱՎՈՐ՝ Ա.ՄԱՆՈՒԿՅԱՆ
  • Դիտումներ: 226
0
0
0
s2sdefault
«Վելես» իրավապաշտպան հասարակական կազմակերպության հայտարարությունը:
Որպես քաղաքացիական հասարակության ներկայացուցիչ, մեր պարտքն ենք համարում այս իրավիճակում սատարել փաստացի իրավապաշտպան գործունեություն իրականացնող փաստաբաններին իրենց սկզբունքային պայքարում՝  իրենց մասնագիտական գործունեությունը խոչընդոտող ապօրինի գործողությունների դեմ:

Չափազանց կարևորում ենք հասարակական կազմակերպությունների աջակցությունը քաղաքացիական հասարակության մաս կազմող և իրավական պետության զարգացման համար կարևորագույն  գործառույթներ իրականացնող փաստաբաններին:

Կոչ ենք անում բոլոր նրանց ով իրապես մտահոգ է իրավական պետություն ստեղծելու գաղափարով, սեպտեմբերի 13-ին  միանալ գործադուլ հայտարարած փաստաբաններին:

Հելսինկյան ասոցիացիան միանում է  «Վելես» իրավապաշտպան հասարակական կազմակերպության հայտարարությանը:
  • Դիտումներ: 648
0
0
0
s2sdefault
Helsinkyani_nkar_gunavor.jpg
  Հելսինկյան ասոցիացիան տևական ժամանակ բարձրաձայնում է, որ հետապնդումներ են իրականացվում կազմակերպության փաստաբանների նկատմամբ՝ վերջիններիս կողմից իրենց մասնագիտական պարտականությունները կատարելու պատճառով: Դրանք հիմնականում իրականացվում էին դատարանների կամ իրավապահ մարմինների կողմից, ինչը ցավալիորեն դարձել էր սովորական երևույթ:

Այդ արատավոր և դատապարտելի երևույթի շուրջ ձևավորված անպատժելիության մթնոլորտը հանգեցրեց նրան, որ փաստաբանի նկատմամբ սկսվել է նաև անձնական բնույթի սպառնալիքներն ու հետապնդումը:

Կազմակերպության փաստաբան Արայիկ Պապիկյանը էլեկտրոնային նամակներ է ստանում, ոչ միայն իր մասնագիտական գործունեությունն իրականացնելուց ձեռնպահ մնալու սպառնալիքներով, այլ նաև՝ սպառնալիքներ իր և իր ընտանիքի անդամների նկատմամբ:

Հելսինկյան ասոցիացիան խստորեն դատապարտում է փաստաբան Արայիկ Պապիկյանի նկատմամբ ցանկացած, այդ թվում՝ անձնական հետապնդումը, և պահանջում է իրավասու մարմիններց անհապաղ միջոցներ ձեռնարկել հանցագործությունը բացահայտելու և մեղավորին պատասխանատվության ենթարկելու համար:

Հելսինկյան ասոցիացիա իրավապաշտպան ՀԿ

Նախագահ՝ Նինա Կարապետյանց

Հ.Գ. Հանցագործության մասին հաղորդումը ներկայացվել է ՀՔԾ:
  • Դիտումներ: 3048
0
0
0
s2sdefault
logoUSAIDlogo23logo

“Սույն վեբ-կայքի ստեղծումը հնարավոր է դարձել իրականացնել Քաունթերփարթ ինթերնեշնլի հայաստանյան ներկայացուցչության կողմից իրականացվող Քաղաքացիական հասարակության և տեղական ինքնակառավարման աջակցության ծրագրի,  և Ամերիկայի Միացյալ Նահանգների բնակչության առատաձեռն աջակցության շնորհիվ` ԱՄՆ Միջազգային զարգացման գործակալության պայմանագրի շրջանակներում “Հելսինկյան Ասոցիացիայի” միջոցով: Սույնի բովանդակությունը, արտահայտված տեսակետերը և կարծիքները պատկանում են հեղինակին` “Հելսինկյան Ասոցիացիային” և հնարավոր է, որ չհամընկնեն Քաունթերփարթ ինթերնեշնլի հայաստանյան ներկայացուցչության, ԱՄՆ Միջազգային զարգացման գործակալության և ԱՄՆ կառավարության տեսակետերի հետ:”

Designed by Hakob Jaghatspanyan Copyright © 2013 Helsinki Association